«Úsharal-Dostyq» jolynda kólik qozǵalysy shekteldi
ASTANA. 1 aqpan. QazAqparat - Búgin boranǵa baılanysty saǵat 14.00-den bastap «Úsharal-Dostyq» jolynyń 0-184 shaqyrymy aralyǵynda avtokóliktiń barlyq túrlerine jol jabyldy. Bul týraly «Qazaqavtojol» RMK-nyń baspasóz qyzmetinen habarlandy.
Budan bólek Shyǵys Qazaqstan oblysyndaǵy qolaısyz aýa raıyna (burqasyn boran, jol kórinisiniń shektelýi) baılanysty avtokóliktiń barlyq túrleri úshin myna joldarda kólik qozǵalysy shekteldi:
- «Óskemen-Rıdder-RF.shekara» a/j 105-191 shaq., "Rıdder-RF shekara" aralyǵynda;
- "Óskemen-Shemonaıha-RF shekara" a/j 81-123 shaq., "Rassypnoe aınalymy-RF shekara".
Atalǵan joldarda avtokólikterdiń úzdiksiz jol qozǵalysyn qamtamasyz etý maqsatynda «Qazaqavtojol» RMK-nyń JPB (Jol paıdalaný bólimshesi) arnaıy qar tazalaý tehnıkalary kezekshilikke shyqty.
«Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi: Astana qalasynda 8 (7172) 444-777 telefony arqyly málimet alýǵa bolady.
