Úsharal-Dostyq jáne Óskemen-Semeı trassalarynda qozǵalys shekteldi
NUR-SULTAN. QazAqparat – Aýa raıynyń qolaısyzdyǵyna baılanysty Úsharal-Dostyq pen Óskemen-Semeı jolynyń ýchaskelerinde kólik qozǵalysyna ýaqytsha shekteý qoıyldy, dep habarlaıdy QazAqparat tilshisi.
«QazAvtoJol» ulttyq kompanııasynan málim etkendeı , Úsharal-Dostyq jolynyń 83-184 shaqyrym aralyǵy (Kóktýma-Dostyq) men Óskemen-Semeı jolynyń 10-198 shaqyrym aralyǵy (Gerasımovka-Semeı) jabyldy.
Respýblıka boıynsha jolda qar kúreýge 260 arnaıy tehnıka jumyldyrylǵan.
«QazAvtoJol» UK» AQ júrgizýshilerge jol erejesin saqtaý, ruqsat etilgen jyldamdyqty asyrmaý, qaýipsiz qashyqtyqty ustaný qajettigin eskertedi. Sonymen qatar, saparǵa tek qysqy dóńgelektermen shyǵýǵa keńes beredi», - delingen aqparatta.
