Úsharal - Dostyq ýchaskesinde kólik qozǵalysy jandandy - KKM
ASTANA. 31 jeltoqsan. QazAqparat - Almaty oblysynyń Úsharal - Dostyq ýchaskesinde kólik qozǵalysy jandandy, dep habarlaıdy QR Kólik jáne kommýnıkatsııa mınıstrliginiń baspasóz qyzmeti.
Eske sala ketsek, 30 jeltoqsannyń 15.00 saǵatta Almaty oblysynyń Úsharal - Dostyq ýchaskesinde kólikterdiń qozǵalysy shektelgen edi.
QR Kólik jáne kommýnıkatsııa mınıstrligi 31 jeltoqsan men 4 qańtar aralyǵynda Aqmola, Shyǵys Qazaqstan, Qaraǵandy, Qostanaı jáne Pavlodar oblystarynda aýa temperatýrasy 30 gradýsqa, al keıbir jerlerde 35-38 gradýsqa deıin tómendeıtinin habarlaıdy.
Sondaı-aq, avtomobıl joldarynda keleńsiz jaǵdaılardyń aldyn alý úshin aýa-raıy jaqsarǵansha jol júrýden bas tartyp, Qazaqstannyń gıdrometeorologııalyq qyzmetiniń habarlamalaryna nazar salǵan jón ekendigi eskertedi.
QR Kólik jáne kommýnıkatsııa mınıstrliginiń «Qazaqavtojol» RMK-da avtomobıl joldarynyń jabylǵan ýchaskeleri jóninde halyqty habardar etý úshin táýlik boıy dıspetcherlik qyzmet jumys isteıdi, baılanys telefony (7172) 44-46-85. Sonymen qatar, joldar jónindegi shuǵyl aqparat kúndelikti www.mtk.gov.kz, www.kad.gov.kz, www.kazavtodor.kz saıttarynda jarııalanady.
