Úsharal-Dostyq tasjolynda kólik aýdarylyp, eki adam kóz jumdy
TALDYQORǴAN. QazAqparat - Almaty oblysynyń Alakól aýdanynda kólik aýdarylyp, eki adam kóz jumdy. Taǵy bir adam aýdandyq aýrýhanaǵa jetkizildi, dep habarlaıdy QazAqparat tilshisi.
Oqıǵa «Úsharal-Dostyq» tasjolynyń 43-shi shaqyrymynda boldy. Tamyzdyń 19-nan 20-syna qaraǵan túni «Toyota Land Cruiser Prado» kóligi aýdarylyp, ishindegi eki er azamat oqıǵa ornynda kóz jumdy. Al úshinshi adamnyń eki aıaǵy birdeı synǵan. Ol aýdandyq aýrýhanaǵa jetkizildi.
Atalǵan jol-kólik oqıǵasy boıynsha tergeý bastaldy.
