Úsharal-Dostyq tas joly jabyldy
TALDYQORǴAN. QazAqparat - «Úsharal-Dostyq» tas joly barlyq kólik úshin jabyldy. Atalǵan aımaqta qatty boran soǵyp, jol kórinbeıdi, dep habarlaıdy QazAqparat tilshisi.
«20 qarasha kúni saǵat 14.30-dan bastap aýa raıynyń qolaısyzdyǵyna baılanysty Úsharal - Dostyq» respýblıkalyq mańyzy bar avtojolynyń 84-184 shaqyrymy aralyǵynda barlyq avtokólik qozǵalysy jabyldy. Atalǵan aımaqta qatty jel, boran soǵyp tur», delingen Almaty oblysy Tótenshe jaǵdaılar departamentiniń baspasóz qyzmeti taratqan habarlamada. Osyǵan baılanysty, oblystyq TJD azamattardan atalǵan baǵyttaǵy sapardan bas tartýdy jáne 112 qyzmeti beretin habarlamany nazardan tys qaldyrmaýdy suraıdy.
Alys jolǵa shyqqan kezde aýa raıy boljamymen tanysyp, tótenshe jaǵdaıda qajetti barlyq zatty ózińizben birge alyp júrýge keńes beredi.
