Úsharal-Dostyq avtojolynda qar qursaýynan 9 adam qutqaryldy

TALDYQORǴAN. QazAqparat - Úsharal-Dostyq avtojolynda qar qursaýynan 9 adam qutqaryldy, dep habarlaıdy QazAqparat.

22 qańtarda saǵat 19.50-de Jetisý oblysy TJD-da Alakól aýdanyndaǵy Úsharal-Dostyq avtojolynda aýa raıynyń qolaısyzdyǵyna baılanysty (boran, nóldik kóriný) qar qursaýynda adamdar bar avtokólikter turyp qalǵany týraly habarlama tústi, shaqyrý ornyna dereý Aqshı aýyly men Dostyq stantsııasynan qutqarý bólimsheleri jiberildi.

«23 qańtar kúni tańǵy saǵat 9.00-de jeldiń ekpini 30 m/s-tan astam bolǵan qar qyrsaýyna qaýipti «Yrǵaıty» ýchaskesinen 3 avtokóliktiń salonynan 9 adam qutqarylyp, Dostyq stantsııasyna jetkizildi. Qutqarylǵandardyń eshqaısysyna medıtsınalyq kómek qajet bolmady», - dep jazdy TJM-nan.