Úsharal-Dostyq trassasynda jol ashyldy

TALDYQORǴAN. KAZINFORM — «QazAvtoJol» Alakól aýdanynda kún raıynyń buzylýyna baılanysty qoıylǵan shekteýdiń alynǵanyn málimdedi. 

— 2024 jyly 21 jeltoqsanda saǵat 13:00-de Jetisý oblysy boıynsha kelesi avtomobıl jolynda kólik qozǵalysy ashylady: — «Úsharal-Dostyq avtojolynyń 84-164 shaqyrym aralyǵy (Kóktýma stansasynan Dostyq aýylyna deıin) — delingen habarlamada.

Eske salaıyq, osyǵan deıin «QazAvtoJol» joldyń taıǵaqtyǵyna shaǵymdanǵan júrgizýshilerge jaýap bergenin habarlaǵan edik.

Sonymen qatar, Jetisý óńirinde aýyl turǵyndary qarjy jınap, kópir salǵanyn da jazǵanbyz.

Budan bólek, bıyl Jetisý oblysynda 11 balanyń ómiri jolda qıylǵany málim boldy.