«Úsharal-Dostyq» respýblıkalyq mańyzy bar avtojolynyń bóligi jabyldy

ASTANA. KAZINFORM – Qazaqstannyń eki oblysynda respýblıkalyq mańyzy bar joldarda kólik qozǵalysy shekteldi, dep habarlaıdy «QazAvtoJol» respýblıkalyq mańyzy bar avtomobıl joldarynyń ulttyq operatory.

Ulttyq operator búgin saǵat 18.00-degi ahýal boıynsha, aýa raıynyń qolaısyzdyǵyna baılanysty Jetisý oblysynyń «Úsharal-Dostyq» respýblıkalyq mańyzy bar avtojolynyń Kóktuma stantsııasynan Dostyq stantsııasyna deıingi 84-184 shaqyrym aralyǵyndaǵy ýchaskede kóliktiń barlyq túrleri úshin qozǵalysqa shekteý engizildi.

«Osy ýaqytta respýblıkalyq mańyzy bar avtojoldardy qysqy kútip, ustaýǵa 580 tehnıka jáne 1129 jol mamany jumyldyryldy»,-delingen habarlamada.