Úsharal áýejaıy paıdalanýǵa berildi
QR IIDM Azamattyq avıatsııa komıtetiniń málimetinshe, «Qazaqstannyń avıatsııalyq ákimshiligi» AQ ınspektorlary jasandy ushý-qoný jolaǵy qaıta jańartylǵan Úsharal áýejaıyna sertıfıkattyq tekserý júrgizdi. Búgingi tańda negizgi jumys túrleri, onyń ishinde ushý-qoný jolaǵyn 2 700 metrge deıin uzartý jáne rýldeý jolyn keńeıtý aıaqtaldy. Jetisý oblysynyń ákimdigi merdigerlik uıymmen birlesip joba boıynsha qalǵan jumystardy iske asyrýdy jalǵastyrýda.
«Júrgizilgen tekserý nátıjeleri boıynsha Úsharal áýejaıyna paıdalanýǵa jaramdylyq sertıfıkaty berildi. Búgin avıakompanııalar Úsharal – Almaty jáne Úsharal – Nur-Sultan sýbsıdııalanatyn baǵyttary boıynsha avıabıletterdi satýdy bastaıdy. Reısterdi «SCAT« áýe kompanııasy «CRJ2« áýe kemelerinde (syıymdylyǵy 50 oryndyq) jazǵy maýsymda ár baǵyt boıynsha aptasyna 14 reıs jıiligimen, qalǵan ýaqytta 7 reıs oryndaıtyn bolady. - Bılet quny 15 000 jáne 16 000 teńge Ushýlar osy jyldyń 15 tamyzynan bastalady», - dep atap ótedi komıtetten.
Foto: primeminister.kz
