Úsharal aerovokzalynyń qurylysy tóńireginde bylyq shyqty
TALDYQORǴAN. QazAqparat - Almaty oblysy Alakól aýdanynyń ortalyǵy Úsharal qalasynyń aerovokzalyn salýǵa bólingen qarjy tóńireginde zańbuzýshylyq anyqtaldy, dep habarlaıdy QazAqparat tilshisi.
Demek, Almaty oblysy jolaýshylar kóligi men avtomobıl joldary basqarmasy basshysynyń orynbasary Serik Tórebaev is júzinde jasalmaǵan jumystar úshin bıýdjet qarajattaryn merdigerdiń esep shotyna aýdarǵan. Osy zańbuzýshylyqtary úshin Almaty oblysy jolaýshylar kóligi men avtomobıl joldary basqarmasy basshysynyń orynbasary S.Tórebaev pen bólim basshysy L.Karsybaeva tártiptik jaýapqa tartyldy. ıAǵnı, Ádep jónindegi keńestiń sheshimimen memlekettik qyzmetke kir keltiretin teris qylyq jasaǵany úshin «qyzmetke tolyq sáıkes emestigi týraly eskertý» jasaldy.
2017 jyldyń 15 aqpanda júrgizilgen prokýrorlyq tekserý nátıjesinde, aerovokzaldyń shatyrynyń jabynǵysy (metalocherepıtsa) tóselmegeni, terezelerdiń ornatylmaǵany anyqtaldy. Sonymen birge, elektr jelisi júrgizilmegeni, aerovokzaldyń tóbesine jylytý materıaldary tóselmegeni belgili boldy. Buǵan qosa, áýejaı obektisine naızaǵaı ustaý baǵanasy (molneeprıemnık, zazemlenıe) ornatylmaǵan.Tehnıkalyq qadaǵalaý júrgizetin mamannyń qorytyndysyna sáıkes, atqarylmaǵan jumystardyń quny 28 mln. teńge boldy.
