Ushaqtyń joǵalýy Malaysian Airlines kompanııasyna rekordtyq shyǵyn ákeldi
ASTANA. QazAqparat - Malaysian Airlines áýekompanııasy MH370 baǵdaryndaǵy ushaǵy joǵalyp ketkennen keıin rekordtyq shyǵynǵa batqanyn jarııa etti.
Sheteldik BAQ-tyń habarlaýynsha, aǵymdaǵy jyldyń 1 toqsanyndaǵy kompanııanyń taza shyǵyny 59 paıyzǵa ósip, 138 mln. dollarǵa jetken. Al ótken jylǵy dál osy kezeńdegi bul kórsetkish 86,4 mln. dollardy quraǵan edi.
Kompanııa taratqan aqparatqa qaraǵanda, áýe kemesi joǵalyp ketkennen keıin uzaq qashyqtyqqa brondalǵan bıletterdiń basym bóliginen bas tartylǵan.
