Ushaqtyń qulaý sebepterin bas memlekettik eńbek ınspektory anyqtap jatyr
«Qazirgi ýaqytta QR Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komıtetiniń tóraǵasy, Qazaqstan Respýblıkasynyń Bas memlekettik eńbek ınspektory Erbol Nurǵalıev apat ornynda jumys istep jatyr jáne áýe apattyń mán-jaıy men sebepterin anyqtaýda» delingen habarlamada.
Tergeý nátıjeleri týraly qosymsha habarlanady.
Aıta keteıik, búgin tańerteń Almatydan Nur-Sultan qalasyna ushyp shyqqan ushaq radardan joǵalyp ketti.
Keıin 95 jolaýshy men 5 ekıpaj múshesi bar ushaqtyń apatqa ushyraǵany málim boldy. Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa ushyp shyqty.
QR Prezıdenti Qasym-Jomart Toqaev ushaq apatyna kináliler zańǵa sáıkes qatań jazalanatynyn málimdedi. Elbasy Nursultan Nazarbaev jolaýshylar ushaǵynyń apatqa ushyraýyna baılanysty kóńil aıtty.
QR DSM ushaq apatynan zardap shekkenderge medıtsınalyq kómek kórsetý úshin resýrstar jetkilikti ekenin, qan tapsyrýdyń qajeti joq ekenin málimdedi.