Ushaqtyń avarııalyq esigin ashqan jolaýshylar Qytaıda ustaldy
ASTANA. QazAqparat - Qytaıdyń ońtústik-shyǵysyndaǵy Kýnmın qalasyndaǵy polıtsııa qyzmetkerleri China Eastern Airlines avıakompanııasynyń MU2036 reısiniń 25-ǵa jýyq jolaýshysyn ustady, jolaýshylar reıstiń tejelýine baılanysty ekıpaj múshelerimen oryn alǵan kelispeýshilikten keıin birneshe avarııalyq esikterdi ashyp tastaǵan.
MU2036 reısiniń Kýnmınnen Beıjińge ushýy máskeý ýaqyty boıynsha 16:45-ke josparlanǵan, alaıda tolassyz qar jaýýynyń saldarynan ekinshi kúni tańerteńge qaldyrylǵan. Jolaýshylar áýejaı qyzmetkerleri qardy tazalaǵansha birneshe saǵat ushaqtyń ishinde otyrǵan, dep habarlady jeksenbide Frans Press agenttigi.
Birneshe saǵattan keıin keıbir jolaýshylar ózderin jaısyz sezinip, ekıpaj múshelerinen syrtqa shyǵarýdy ótinedi. Biraq olar bas tartady. Ekıpaj músheleri ushaq uzaq turmaıtynyn, qar tazalap bolǵan soń, kóp keshikpeı ushatynyn eskertedi. Sol kezde adamdar oryndarynan turyp, ushyrylymdy toqtatý úshin avarııalyq esikterdi ashyp tastaǵan, dep habarlady Sınhýa agenttigi.
Ekinshi ushqysh jaǵdaıdy túsindirmek bolǵan, biraq jolaýshylar qulaq aspaǵan.
Ushý jolaǵyn retke keltirgen ushaqtyń qoný alańyna qaıta oralýyna týra keldi. Oqıǵaǵa qatysy bar jolaýshylar jergilikti polıtsııa bólimshesine jetkizilip, qalǵandary kelesi reıspen ushyp ketti.
