Ushaqtyń apatty jaǵdaıda qonýyna qustar sebep boldy
ASTANA. QazAqparat - JetBlue áýe kompanııasynyń jolaýshylar ushaǵy quspen soqtyǵysqannan keıin Nıý-Iorktegi Djon Kennedı atyndaǵy halyqaralyq áýejaıǵa apatty jaǵdaıda qonýǵa májbúr boldy, dep habarlaıdy sheteldik BAQ.
Bortynda 142 jolaýshysy bar Nıý-Iork mańyndaǵy Ýestchester ólkesi áýejaıynan ushyp shyqqan A-320 ushaǵy quspen soqtyǵysyp, áýejaıǵa keri qaıtýǵa májbúr boldy. Aıta keterligi, tosyn oqıǵa saldarynan jolaýshylar men ushaq ekıpajy músheleri zardap shekken joq.
Esterińizge sala keteıik, 28 aqpan kúni American Airlines áýekompanııasynyń Dallas qalasynan ushyp shyqqan McDonnell Douglas MD-80 ushaǵy qustarǵa soqtyǵysyp, áýejaıǵa qaıtýǵa májbúr bolǵan. Ol kezde de áýe kemesi bortyndaǵy 123 jolaýshy men 5 ekıpaj múshesi zardap shekpegen edi.
