Ushaqty zaqymdaǵan qus úshin áýejaı 8,5 mln rýbl tóleıtin boldy
ASTANA. QazAqparat - Besinshi arbıtrajdy appelıatsııalyq sot Vladıvostoktyń halyqaralyq áýejaıyna onyń aýmaǵynda "Vladıvostok Avıa" AAQ ushaǵyn qustyń zaqymdaǵany úshin áýetasymaldaýshynyń paıdasyna 8,5 mln. rýbl tóleýge sheshim shyǵardy.
Bul týraly ITAR-TASS habarlady.
Sotta málim bolǵanyndaı, oqys oqıǵa "Vladıvostok Avıa" ushaǵynyń «Vladıvostok - Harbın» baǵytynda ushqan sátinde bolǵan. Ushý kezinde áýe kemesiniń dvıgateline qus túsip ketken. Ol ventılıatordyń tórt qalaqshasyn zaqymdaǵan.
«Keleńsiz jaǵdaıdyń saldarynan áýetasymaldaýshy 8,506 mln. rýbl kóleminde shyǵynǵa batqan», dep atap ótildi sotta.
