Ushaqty surapyl jeldiń ushyra jazdaǵan sáti túsirilgen vıdeo jelini dúrliktirdi

ASTANA. QazAqparat - Spotterler Airbus A380 ushaǵynyń surapyl jeldiń saldarynan apatqa ushyraýǵa az-aq qalǵan sátin vıdeoǵa túsirip aldy. 

Emirates kompanııasyna tıisti áýe laıneriniń Dıýsseldorf áýejaıyna qonar kezinde «Ksaver» daýyly ushyryp jibere jazdady, dep habarlaıdy belta.by.

Vıdeodan daýyl ushaq ekıpajyn kúrdeli manevr jasaýǵa májbúr etkeni kórinip tur. Ushqyshtar qolmen basqarý rejımine kóship, áýe laınerin ushý-qoný jolaǵynda ustaýǵa tyrysqan. Abyroı bolǵanda oqıǵa sátti aıaqtaldy. Ushaq jolaqqa qonar sátte qanat tusynan soqqan surapyl jel ony aýdaryp jiberýge az-aq qalǵan. Surapyl jel ushaqty aldymen jolaqtyń oń jaǵyna, keıin sol jaǵyna qaraı yǵystyrady, biraq Emirates ushqyshtary búıirden soqqan alapat daýyldan ushaqty aman alyp qalǵan.