Ushaqty aıdap áketýshiler atý jazasyna kesildi
GÝANChJOÝ. 12 jeltoqsan. QazAqparat - QHR Shyńjań-Uıǵyr avtonomdyq aýdanynyń halyqtyq soty úsh adamdy atý jazasyna, bir adamdy ómir boıy bas bostandyǵynan aıyrý jazasyna kesti.
Sottalýshylarǵa ushaqty basyp alý jáne aıdap áketý boıynsha aıyptar taǵyldy.
Oqıǵa Shyńjańda aǵymdaǵy jyldyń 29 maýsymynda oryn aldy. Ulty uıǵyr alty lańkes ishinde 92 jolaýshy otyrǵan Tianjin Airlines áýe kompanııasynyń «Hotan-Úrimshi» reısin oryndap jatqan ushaqty ol aspanǵa ushqan soń 10 mınýttan keıin basyp almaqshy boldy.
Qylmyskerler ushqyshtar kabınasyna synǵan baldaqtyń kómegimen kirip, jarylǵysh zatty iske qospaqshy boldy, delinedi sot málimdemesinde.
Alaıda ekıpaj músheleri jolaýshylardyń kómegimen jaǵdaıdy baqylaýlaryna alyp, alty qylmyskerdi qarýsyzdandyra aldy. Budan keıin ushaq Hotan áýejaıyna qaıtyp oraldy. Bul qylmysta eki kúdikti azamat aýrýhanada kóz jumdy.
Sot málimdemesinde atap ótilgendeı, qylmystyq top 2011 jyldyń qazan aıynda dinı ekstremısterdiń yqpalyna túsip, aǵymdaǵy jyldyń mamyr-maýsym aralyǵynda ushaqty aıdap áketýge daıyndalǵan.
