Ushaqtyń apatty esigin ashqan jolaýshy Almaty polıtsııasyna tapsyryldy
Ushaqtyń apatty jaǵdaıǵa arnalǵan qosalqy esigin negizsiz ashqan jolaýshy Almaty polıtsııasyna tapsyryldy, dep habarlaıdy Kazinform.
«Qazirgi ýaqytta áleýmettik jelilerde jolaýshy ushaqtyń apattyq esigin ózdiginen ashyp jatqan vıdeo taralyp jatyr. Osyǵan baılanysty Azamattyq avıatsııa komıteti kelesini habarlaıdy: 2023 jylǵy 23 jeltoqsanda «Shymkent – Almaty» baǵyty boıynsha FlyArystan áýe kompanııasynyń KS7106 reısi jergilikti ýaqyt boıynsha saǵat 01:19-da qonǵannan keıin jolaýshy apattyq esikti ashty. Bort tekserilip, ushýlardy oryndaýǵa ruqsat etildi. Jolaýshy shara qoldaný úshin Іshki ister mınıstrligi qyzmetkerlerine tapsyryldy», - delingen Azamattyq avıatsııa komıtetinde.
Málim etilgendeı, jaǵdaıdyń mán-jaıyn anyqtaý úshin Qazaqstannyń avıatsııa ákimshiligi tıisti tekserý júrgizedi.
«Tekserý esikti óz betimen ashqan jolaýshyǵa da, avtotrap berýge jaýapty áýejaı qyzmetterine de qatysty júrgiziletin bolady», - delingen usynylǵan habarlamada.