Ushaqtardyń jıi keshigýi: Air Astana men FlyArystan kompanııalaryna jospardan tys tekserý júrgiziledi

ASTANA. KAZINFORM – Ushaqtardyń jıi keshigýine baılanysty Air Astana men FlyArystan kompanııalaryna jospardan tys tekserý júrgiziletin boldy.

«Air Astana» AQ men «FlyArystan» AQ-nyń tehnıkalyq sebepter boıynsha reısterdi keshiktirý jaǵdaılarynyń kóbeıýine, sondaı-aq jolaýshylardyń quqyqtaryn saqtaýǵa qatysty kóptegen shaǵymdarǵa baılanysty QR Kólik mınıstrliginiń Azamattyq avıatsııa komıteti ushýlardyń toqtatylýy, keshigýi jáne tıisti qyzmetterdi kórsetpeý sebepterin, sondaı-aq Qazaqstan Respýblıkasynyń áýe keńistigin paıdalaný jáne avıatsııa týraly zańnamasynyń talaptaryn buzýǵa baılanysty basqa da jaǵdaılardy anyqtaý úshin komıssııa qurdy», — dep jazdy komıtetten.

Sonymen qatar, «Qazaqstannyń avıatsııalyq ákimshiligi» AQ bas dırektorynyń buıryǵymen «Air Astana» AQ men «FlyArystan» AQ-na jospardan tys tekserý júrgiziledi.

Komıssııa jumysynyń jáne jospardan tys tekserýdiń nátıjeleri qosymsha habarlanady.