Ushaqtan aqaý tabylyp, Nur-Sultan - Antalııa reısi úsh ret keıinge shegerildi

NUR-SULTAN. QazAqparat - «SCAT» áýe kompanııasynyń 4 shildedegi túngi saǵat 2.00-ge josparlanǵan «Nur-Sultan - Antalııa» reısi kúndizgi 15.30-da ushatyn boldy, dep habarlaıdy QazAqparat tilshisi.

QR azamattyq avıatsııa komıtetiniń deregine súıensek, 228 jolaýshyny alyp ushýǵa tıis Boıng-757 ushaǵynan aqaý tabylyp, túngi saǵat 2.00-degi reıs kúndizgi 10.00-ge aýystyrylǵan bolatyn.

«Ushaq aqaýyn jóndeýge ýaqyt kóp ketip, reıstiń ýaqyty taǵy bir saǵatqa shegerilgen. Keıin aqaýdyń ońaılyqpen joıylmaıtyny anyqtalyp, áýe kompanııasy basqa ushaq shyǵarý týraly sheshim qabyldady. Ol ushaq qazir Almatydaǵy bazada saparǵa daıyndalyp jatyr. Atalmysh áýe kemesi Nur-Sultanǵa saǵat 13.00-de ushyp shyǵady. Keshikken jolaýshylar Antalııaǵa sol ushaqpen 15.30-da saparǵa attanady», - delingen komıtettiń aqparatynda.

Ushaqtyń keshigýine baılanysty barlyq jolaýshylarǵa sýsyn men tamaq, jatyn oryn usynylǵan.