Ushaqtaǵy aqaý AQSh memlekettik hatshysynyń Túrkııaǵa saparyn kidirtti
ASTANA. 7 sáýir. QazAqparat - Úkimettik ushaqtyń bortyndaǵy tehnıkalyq aqaý AQSh memlekettik hatshysy Djon Kerrıdiń Túrkııaǵa saparyn kidirtti. Bul týraly Ýtro.rý sheteldik BAQ-qa silteme jasap habarlady.
Kerrı búgin Vashıngtonnan Ystambulǵa jergilikti ýaqytpen tańerteńgi saǵat 07:00-de ushyp shyǵýǵa tıis edi, alaıda ushaq bortynyń esigi qarysyp qaldy. Memlekettik hatshyǵa, onyń zaıybyna, kúzetshilerge, kómekshi qyzmetkerlerge jáne olarǵa erip júrgen BAQ qyzmetkerlerine bortty tastap ketýge týra keldi. Biraz ýaqyttan keıin memlekettik hatshyǵa shuǵyl túrde qosalqy úkimettik ushaq berildi. Amalsyz kidiris memlekettik hatshynyń keminde eki saǵat ýaqytyn aldy.
Kerrı Ystambulǵa Eýropa men Taıaý Shyǵystyń alty eline týrne aýqymynda attandy. Memleketttik hatshy bul saparynda áriptesterimen Sırııadaǵy jáne KHDR-daǵy jaǵdaılardy talqylamaq.
