Ushaqta jolaýshylardy dúrliktirgen jylandy stıýardessa ustaǵan
ASTANA. QazAqparat - AQSh-taǵy Alıaska shtatynda Anıak qalasynan Ankorıdjge baǵyt alǵan ushaqta jurtty dúrliktirgen jylan ustaldy. Bul týraly KTVA habarlady.
Jolaýshylar ushqannan soń oryndyq astynda oralyp jatqan jylandy kórgen. Olar dereý bul jaıly ekıpaj múshelerine habarlaıdy.
Jetip kelgen stıýardessa ony ustap alyp, qoqysqa arnalǵan plastıkalyq paketke salǵan. Kórgenderdiń aıtýlarynsha, áıel esh saspastan, abyrjymaı áreket etken.
Áýekompanııasy ókiliniń málimdeýinshe, baýyrymen jorǵalaýshyny ushaq bortyna jolaýshylardyń biri alyp ótken. Onyń uzyndyǵy bir metrden astam. Jylannyń qandaı túri ekendigi ázirge aıtylmaı otyr.
