Ushaqta jolaýshylar mazasyn alǵan Germanııa azamatyna aıyppul salyndy
ASTANA. QazAqparat - Jelilik ishki ister bólimine elorda áýejaıynda «Eır-Astana» áýe kompanııasynan «Frankfýrt-Astana» áýe reısiniń bortynda er adamnyń tártip buzǵany jóninde habar kelip tústi, dep habarlaıdy QazAqparat Kóliktegi ІІD baspasóz qyzmetine silteme jasap.
Kólik polıtseıleri tekseris júrgizý barysynda Germanııanyń 33 jastaǵy turǵynyn anyqtaǵan. Mas kúıinde ushaqqa otyrǵan er adam qoqan-loqqy kórsetip, jolaýshylardyń tynyshtyǵyn buzǵan, sondaı-aq, eskertýlerge qulaq aspaǵan.
Medıtsınalyq kýálandyrýdyń qorytyndysyna sáıkes, er adam ortasha deńgeıde mas bolǵan.
Tártip buzýshynyń ústinen mas bolǵany jáne usaq buzaqylyq jasaǵany úshin birden eki ákimshilik hattama toltyrylyp, 5 AEK (12 025) kóleminde aıyppul salyndy.
Іs Astana qalasynyń mamandandyrylǵan aýdanaralyq ákimshilik sotynyń qaraýyna jiberildi.
