Ushaqta tolyq adammen birge otyrǵan Italııa azamaty áýe kompanııasyn sotqa berdi
ASTANA. QazAqparat - Emirates áýe kompanııasyna |Italııa azamatynan shaǵym tústi. Ol Keıptaýnnan Dýbaıǵa deıingi 9 saǵattyq sapary barysynda salmaǵy shekten tys kóp azamattyń janynda otyryp barǵanyna narazy. Bul týraly Arabian Business habarlady.
Italııa azamatynyń sózinshe, salmaǵy shekten tys aýyr azamat onyń ornynyń basym bóligin alyp otyrǵan. Osydan soń Italııa azamaty Emirates ókilderinen ózge orynǵa aýysýǵa ruqsat berýdi suraǵan. Alaıda, ushaq qyzmetkerleri onda ózge bos oryn joq ekendigin aıtyp, ıtalııalyqtyń ornyn aýystyrýyna ruqsat bermegen jáne ol úshin jolaýshydan keshirim de suramaǵan, dep jazady Rosbalt. Al jolaýshy 9 saǵat boıy adamdar júretin jolda turýǵa májbúr bolǵan.
Endi Italııa azamaty ushaqta ótkizgen ýaqytqa ketken shyǵyndy qosa eseptegen 3 myń dollar ótemaqy tóleýdi talap etip otyr.
