Ushaqta temeki shekken áıelge aıyppul salyndy
ALMATY. QazAqparat «Keshe, 1 shildede Almaty qalasy áýejaıyndaǵy Jelilik polıtsııa bólimine «Eır Astana» AQ áýe kompanııasynyń ókilinen «Aqtóbe-Almaty» baǵytyndaǵy áýe kemesiniń bortynda quqyqbuzýshy bar ekendigi týraly habarlama túsken», dep habarlaıdy QazAqparat Kóliktegi polıtsııa departamentiniń baspasóz qyzmetine silteme jasap.
Kóliktegi polıtsııa departamenti bastyǵynyń birinshi orynbasary Qalıjan Qoblandınniń aıtýynsha, tekserý barysynda kólik polıtseıleri áýe kemesiniń bortynda bolǵan Oral qalasynyń 34 jastaǵy azamatshasyn anyqtady. Áýe kemesi komandıriniń aktisi boıynsha áýe reısi qonǵannan keıin quqyqbuzýshy kólik polıtseılerine berildi.
«Atalǵan fakti boıynsha QR ÁQBtK 441-babynyń 1-2 bóligimen (Áýe kemesiniń bortynda temeki ónimderin jáne (nemese) elektrondyq sıgaretterdi tutyný) ákimshilik hattama toltyrylyp, 50 aılyq eseptik kórsetkish kóleminde aıyppul salyndy», - dep qorytyndylady polıtsııa polkovnıgi.
Eske sala keteıik, aǵymdaǵy jyl basynan beri elimizdiń Kólik polıtseıleri túrli ákimshilik quqyq buzýshylyqtar boıynsha 21 117 adamdy ákimshilik jaýapkershilikke tartty, onyń ishinde 1 64-i adam qoǵamdyq oryndarda temeki shekken.
