Ushaqta temeki shegip, bylapyt sóz aıtqan Qazaqstan azamaty jazalandy
ASTANA. QazAqparat - Qazaqstan azamaty «Bangkok - Almaty» reısi ushaǵynyń bortynda temeki shegip, bylapyt sóz aıtqan, dep habarlaıdy QazAqparat tilshisi Kóliktegi ІІD-ne silteme jasap.
«Bangkok - Almaty» avıareısi oryndalysymen «Almaty qalasynyń Halyqaralyq áýejaıy» AQ dıspetcheriniń aktisi boıynsha Almaty qalasy áýejaıynyń jelilik ishki ister bóliminiń kólik polıtseılerine 39 jastaǵǵy QR azamaty tapsyryldy. Belgili bolǵandaı, mas kúıdegi er adam avıareıstiń bortynda temeki shegip, bortserikterdiń eskertýine qulaq aspaǵan. Bylapyt sóz aıtyp, jolaýshylardyń tynyshtyǵyn buzǵan», - delingen Kóliktegi ІІD habarlamasynda.
Medıtsınalyq kýálandyrýǵa sáıkes, ol jeńil dárejede mas bolǵan. Quqyq buzýshyǵa qatysty polıtsııa qyzmetkerleri usaq buzaqylyq pen qoǵamdyq jerde mas bolǵany úshin eki ákimshilik hattama toltyrdy. Sonymen birge, jeke qoǵamdyq orynda temeki shekkeni úshin ákimshilik is-shara qabyldaý masqatynda QR IDM Azamattyq avıatsııa komıtetine joldandy.
«Dál sol kúni Altynkól stantsııasynyń Jelilik polıtsııa bólimine belgisiz adamdarǵa qatysty shara qabyldaý boıynsha vokzaldaǵy kezekshiden shaǵym kelip tústi. Onyń aıtýynsha, Altynkól stantsııasynyń perronynda úsh er adam jolaýshylarǵa dórekilik tanytqan. Jedel izdestirý sharalary barysynda polıtsııa qyzmetkerleri Almaty qalasynyń 1983, 1974, 1977 jyly týǵan úsh azamatyn ustady», - delingen departamenttiń baspasóz qyzmetiniń habarlamasynda.
Atalǵan azamattardyń ústinen de ákimshilik hattama toltyrylǵan.
