Ushaqta shylym shekken ázerbaıjandyq jazalandy
NUR-SULTAN. QazAqparat - Kólik polıtseıleri «Tbılısı-Nur-Sultan» áýe reısinen Ázerbaıjan Respýblıkasynyń azamatyn túsirdi, dep habarlaıdy QazAqparat kólik polıtsııasy departamentine silteme jasap.
28 maýsym kúni Nur-Sultan qalasynyń halyqaralyq áýejaıyndaǵy jelilik polıtsııa bólimine «Eır Astana» AQ áýe kompanııasy ókilinen «Tbılısı-Nur-Sultan» áýe reısindegi quqyq buzýshy týraly habarlama kelip tústi.
Tekserý barysynda kólik polıtseıleri áýe bortynda shylym shekken Ázerbaıjan Respýblıkasynyń 29 jastaǵy azamatyn tapty. Áýe reısi komandıriniń aktisimen jolaýshy reısten túsirildi.
Atalǵan fakt boıynsha QR Ákimshilik quqyqbuzýshylyqtar kodeksiniń «Jekelegen qoǵamdyq oryndarda shylym shegý tyıymyn buzý» baby boıynsha ákimshilik hattama toltyryldy. Ázerbaıjan Respýblıkasynyń azamatyna 63 125 teńge kóleminde ákimshilik aıyppul salyndy.
Jyl basynan beri elimizdegi kólik polıtsııasy 28 933 adamdy ákimshilik quqyqbuzýshylyqtar úshin, onyń ishinde 2033 adamdy shylym shekkeni úshin jaýapqa tartqan.
