Ushaqta shý shyǵarǵan qazaqstandyq jolaýshy Reseıde qylmystyq jaýapqa tartylady
ASTANA. QazAqparat - Ushaq bortynda iship alyp shý shyǵarǵan Qazaqstan azamatyna qatysty qylmystyq is qozǵaldy, dep habarlaıdy «QazAqparat» HAA.
«RF Tergeý komıtetiniń Ýralsk tergeý basqarmasy qyzmetkerleri ushaq bortynda iship alyp shý shyǵarǵan Qazaqstan azamatyna qatysty qylmystyq is qozǵady. Ol RF Qylmystyq kodeksiniń «Buzaqylyq» baby boıynsha tergeýge alyndy», - dep jazylǵan basqarma saıtynda.
Vedomstvo aqparatyna sáıkes, ushaqta shý shyǵarǵan qazaqstandyq azamat 19-20 aqpanda Ekaterınbýrg-Phýket baǵytynda AZUR air áýekompanııasynyń ushaq bortynda báıádep sózder aıtyp, bortserikter men ekıpaj músheleriniń eskertýin qulaǵyna da ilmegen.
