Ushaqta mas bolyp, janjal shyǵarǵan Ózbekstan azamatyn «Astana-Tashkent» reısinen alyp qaldy
ASTANA. QazAqparat - Astananyń halyqaralyq áýejaıynda «Astana-Tashkent» reısin rásimdeý kezinde kórsetken óreskel áreketi úshin Ózbekstan azamatyn reısten alyp qaldy. Bul týraly Astana sotynyń saıtynan habarlandy.
Esil aýdanynyń № 2 sotynda QR QK-niń 320 babyndaǵy 1 bólimimen aıyptalyp otyrǵan G.esimdi azamatqa qatysty qylmystyq is qaraldy.
«Áýe kemesiniń ishinde alkogoldik mas kúıinde bolǵan bul azamat qoǵamdyq tártipti buzyp, jolaýshylardyń mazasyn aldy. Bortserikteri men jelilik polıtsııa ókilderin balaǵattap, óz áreketterimen qoǵamdy syılamaıtyndyǵyn kórsetti», - delingen habarlamada.
Sot is materıaldaryn zerttep, sottalýshyny kináli dep tanydy jáne ony 100 aılyq eseptik kórsetkish - 185 200 teńge kóleıminde aıyppul tóleý jazasyna kesti.
Sot úkimi zańdy kúshine endi.
