Ushaqta mas bolyp shý shyǵarǵan Reseı azamatyna aıyppul salyndy

NUR-SULTAN. QazAqparat - Nur-Sultan qalasy áýejaıyndaǵy jelilik polıtsııa qyzmetkerleri SCAT áýe kompanııasynyń Máskeýden ushyp kelgen reısindegi azamatty jaýapkershilikke tartty, dep habarlaıdy QazAqparat.

Tekserý barysynda kólik polıtseıleri Reseı Federatsııasynyń 30 jastaǵy azamatyn anyqtaǵan.

Ushaq bortynda er adam mas bolǵan, osylaısha qoǵamdyq tártipti buzǵan.

Polıtsııa qyzmetkerleri oǵan qatysty QR ÁQBtK 440-babynyń 1-bóligi, ıaǵnı alkogoldik ishimdik ishý nemese qoǵamdyq orynda mas bolyp kelý boıynsha ákimshilik hattama toltyryp, 5 AEK (15 315 tg) mólsherinde aıyppul saldy.

Jyl basynan beri kólik polıtseıleri 25 202 adamdy, onyń ishinde alkogoldi ishimdik ishken 2 644 quqyqbuzýshyny ákimshilik jaýapkershilikke tartqan.

Foto: www.delfi.lt