Ushaqta qazaqstandyq sábıdi qutqarǵan Túrkııa dárigeri marapattaldy
Osydan birneshe aı buryn Bishkekten Ystanbulǵa ushyp kele jatqan qazaqstandyq náresteniń júregi syr berip, toqtap qalady. Muny estigen borttaǵy túrik depýtaty ári dáriger Rejep Sheker jasandy tynys aldyryp, júregine massaj jasap, sábıdi aman alyp qalady. Oqıǵamen tanys bolǵan Memleket basshysy Qasym-Jomart Toqaev Rejep Shekerge «Erekshe batyldyǵy úshin» alǵys hatyn jóneltti. Prezıdenttiń marapatyn Qazaqstannyń Túrkııadaǵy Tótenshe jáne ókiletti elshisi Abzal Saparbekuly túrik parlamentinde tabystap, júrek jardy alǵysyn bildirdi.
Saltanatty sharaǵa Túrkııa Uly ulttyq Májilisiniń depýtattary men qyzmetkerleri qatysty.
Óz kezeginde Rejep Sheker: «Árbir oqıǵanyń ózindik máni bar» dep, aldaǵy ýaqytta eki el arasyndaǵy yntymaqtastyqty arttyrý úshin bar kúsh-jigerin jumsaıtyndyǵyn jetkizdi.
«Oqıǵanyń bolǵany ókinishti. Degenmen, nátıjesi jaqsy. Nárestelerdiń otbasymen habarlasyp turamyz. Tipti birneshe kún buryn beıne joldapty. Salmaq qosypty. Aman bolsyn. Eki eldiń baýyrlastyq jáne dostyq qatynasyna sebepshi boldy. Іltıpat bildirgen Prezıdent Qasym- Jomart Toqaevqa alǵysymdy bildirip, birer kún buryn ótken týǵan kúnimen quttyqtaımyn»,- dedi dáriger Rejep Sheker.