Ushaqta elektrondy temeki shekken 26 jastaǵy áıel reısten túsirildi
QARAǴANDY. QazAqparat - Kólik polıtseıleri ushaq bortynda elektrondy temeki shekken áıeldi áýe reısinen túsirip aldy, dep habarlaıdy QazAqparat kóliktegi polıtsııa departamentiniń baspasóz qyzmetine silteme jasap.
Jyl basynan beri elimizdiń kólik polıtseıleri túrli ákimshilik quqyq buzýshylyqtar úshin 43 277 azamatty ákimshilik jaýapkershilikke tartty, onyń ishinde qoǵamdyq orynda temeki tartqany úshin – 2 981 adam jazalandy.
«Máselen, 11 qazan kúni Qaraǵandy qalasy áýejaıyndaǵy Jelilik polıtsııa bólimshesine «FlyArystan» AQ áýe kompanııasynyń ókilinen «Almaty - Qaraǵandy» baǵytyndaǵy áýe kemesiniń bortynda quqyq buzýshylyq bolǵany týraly habarlama kelip tústi. Tekserý barysynda kólik polıtseıleri áýe kemesi bortynda elektrondy temeki shekken 26 jastaǵy Almaty qalasynyń turǵynyn anyqtady. Azamatsha áýe kemesi komandıriniń aktisi boıynsha reısten túsirildi» delingen habarlamada.
Atalǵan fakti boıynsha QR ÁQBtK 441-babynyń 1-2 tarmaǵy boıynsha ákimshilik hattama toltyrylyp, oǵan 50 AEK kóleminde aıyppul salyndy.
