Ushaqta elektrondy shylym shekken áıel men er adam reısterden túsirildi
NUR-SULTAN. QazAqparat - «Nur-Sultan–Aqtaý» jáne «Almaty-Aqtaý» baǵytyndaǵy áýe reısinde temeki shekkeni úshin er men áıel adam reısten túsirildi, dep habarlaıdy QazAqparat.
«Osy jyldyń 19 shildesinde Aqtaý qalasynyń áýejaıyndaǵy jelilik polıtsııa bólimine «AirAstana» AQ áýe kompanııasynyń ókilinen «Nur-Sultan – Aqtaý» baǵytyndaǵy áýe reısinde quqyqbuzýshynyń baryn málim etti», - dep habarlaıdy kóliktegi polıtsııa departamenti bastyǵynyń orynbasary Qalıjan Qabdoldın.
Onyń aıtýynsha tekserý barysynda Qaraǵandy qalasynyń 34 jastaǵy turǵyny áýe kemesiniń ishinde elektrondy temeki shekkeni belgili bolǵan. Áýe kemesiniń komandıriniń aktisi boıynsha ol atalǵan reısten túsirilgen.
«Atalǵan fakt boıynash QR ÁQBK 441-baby 1-2 bóligi boıynsha ákimshilik hattama toltyrylyp, oǵan 50 AEK kóleminde aıyppul salyndy», - deıdi polıtsııa polkovnıgi.
Qalıjan Qabdoldınniń sózinshe dál sol kúni osyndaı jaǵdaı «Almaty – Aqtaý» baǵytyndaǵy áýe kemesinde de bolǵan. Bul joly 1986 jyly týǵan áıel de áýe kemesiniń ishinde elektrony sıgaret shekken. Akt boıynsha áıel áe reısinen túsirilgen. Oǵan da 50 AEK kóleminde aıyppul salynǵan.
Kóliktegi polıtsııa departamenti jyl basynan beri ártúrli quqyqbuzýshylyq boıynsha 22 494 adamǵa qatysty ákimshilik hattama toltyrǵan. Onyń ishinde 1 706 adam temeki shekkeni úshin jazalanǵan.
