Ushaqpen ushýǵa ruqsat beretin anyqtama neshe kúnge jaramdy
NUR-SULTAN. QazAqparat – Ekıpaj músheleri úshin koronavırýs juqtyrmaǵany týraly anyqtama 14 kúnge jaramdy. Bul týraly Kóliktegi Bas memlekettik sanıtarlyq dáriger Sádýaqas Baıǵabylov, dep habarlaıdy QazAqparat tilshisi.
«Ushaq bortynda jolaýshylar araǵa bir oryndyq qaldyryp otyrýlary kerek. Bul – basty talaptardyń biri. Osyǵan oraı ushaq bortynda oryndyqtardyń 60%-ynda jolaýshylar otyratyn bolady. Munyń bári jolaýshylardyń qaýipsiz qashyqtyqty saqtaýlary úshin kerek. Al bılet qunynyń ósý-óspeýin Azamattyq avıatsııa komıteti sheshedi. Sonymen qatar koronavırýspen aýyrmaıtynyn rastaıtyn anyqtama jolaýshylar úshin jeti kúnge deıin jaramdy», - deıdi Kóliktegi Bas memlekettik sanıtarlyq dáriger Sádýaqas Baıǵabylov.
Ol ushaqqa otyratyn balalarda da koronavırýspen aýyrmaǵany týraly anyqtama bolýy kerek jáne maska taǵyp otyrýlary qajet ekenin aıtty.
«Ekıpaj músheleri men bortserik kúndelikti medıtsınalyq tekseristen ótedi. Medıtsınalyq qyzmetshiler olardyń dene qyzýyn ólshep, sýyq tııýge qatysty aýrý belgileri bar-joǵyn anyqtaıdy. Olar úshin koronavırýs juqtyrmaǵany týraly anyqtama 14 kúnge jaramdy. Olar tapsyratyn test aqysyn áýe kompanııasynyń basshylary tóleıdi», - deıdi ol.
