Ushaqpen ushatyn azamatta anyqtama bolýy kerek - Dáýren Abaev
«Nur-Sultan men Almaty qalalary arasynda birinshi kezeńde kúnine 4 reıs jasaý josparlanýda. Onyń ishinde eki reıs «Eır Astana», bir reıs «Flaı Arystan», bir reıs «Skat» kompanııalaryna tıesili. Olar bılet qunyn karantınge deıingi deńgeıde ustaý mindetti. Al jaǵdaı túzelgen saıyn reıs sanyn, ushaq syıymdylyǵyn arttyrý máselesi qarastyrylady. Áýe tasymaly, kóliktegi bas sanıtralyq dáriger bekitken kúsheıtilgen sanıtarlyq talaptar arqyly jasalady. Ushý úshin jolaýshyda COVID-19 belgisi joq ekenin rastaıtyn anyqtama bolýy kerek», - dedi Dáýren Abaev «Habar24» arnasyndaǵy onlaın baspasóz máslıhatynda.
Mınıstrdiń aıtýynsha, anyqtamanyń jaramdylyq merzimi pysyqtalyp jatyr.
«Jolaýshyda jeke qorǵanysh quraldaryn qoldanyp, maska, qolǵap kııýi kerek. Tıisti qashyqtyqty saqtaýy qajet. Áýejaıda jáne ushaqta kúsheıtiletin dezınfektsııa jasalady», - dedi ol.
Eske sala ketsek QR Prezıdenti Qasym-Jomart Toqaev Tótenshe jaǵdaı rejımin bıylǵy 11 mamyrǵa deıin uzartý týraly Jarlyq shyǵarý jóninde sheshim qabyldady. Bul týraly Memleket basshysy búgingi málimdemesinde aıtqan bolatyn.
Sonymen qatar Úkimet 1 mamyrdan bastap elorda men Almaty arasyndaǵy reısterdi ashatyn boldy.
