Ushaqpen et ımporttaıtyn ózbekstandyq kompanııalardyń jarty shyǵynyn endi memleket óteıdi
TAShKENT. KAZINFORM — Áýe kemesimen elge et tasymaldaıtyn ózbekstandyq kompanııalardyń 50% shyǵyny memleket esebinen óteledi, dep habarlaıdy Kazinform agenttiginiń Tashkenttegi menshikti tilshisi.
Tıisti qaýlyǵa 7 sáýirde prezıdent Shavkat Mırzıeev qol qoıdy. Bul shara eldegi et baǵasyn turaqtandyrýǵa baǵyttalǵan.
— 2026 jyldyń 1 sáýirinen 1 tamyzyna deıin usaq mal men iri qara etin ushaqpen tasymaldaý shyǵyndarynyń 50%-y memlekettik bıýdjet esebinen óteledi. Alaıda, sýbsıdııa somasy ár keli úshin 80 tsentten aspaýy tıis, — delingen qaýlyda.
Sonymen qatar, shetelden áýe kemesimen asyl tuqymdy iri qara ımporttaýshylarǵa da jeńildik usynylmaq. Atap aıtqanda, jyl sońyna deıin respýblıkaǵa ákelingen ár mal basyna 4 mln sýmǵa (shamamen 152 myń teńge) deıingi tasymaldaý shyǵyndary óteledi.
Eske sala keteıik, Ózbekstan 2027 jylǵa deıin Mońǵolııadan 100 myń bas usaq mal satyp alýǵa nıetti.
