Ushaqqa otyratyn jolaýshyda koronavırýs joq ekenin rastaıtyn anyqtama bolýy kerek
«Búginde biz ınfektsııanyń jańa túrimen kúresip jatyrmyz. Osy jáne basqa talaptarǵa qatysty uzaq daýlasýymyz múmkin. Tıisti talaptardy ázirleı otyryp, biz halyqaralyq tájirıbeni nazarǵa alamyz. Sonymen qatar qańtar aıynan bastap ózimizde jınaqtalǵan tájirıbeni de eskeremiz», - dedi A. Esmaǵambetova onlaın baspasóz máslıhatynda.
«Ushaq máselesine toqtalsaq, onyń salonyndaǵy keńistik shekteýli. Osy oraıda indet juqtyrý qaýpi bar. Biz osy jaǵdaıǵa basqasha qaraýymyz kerek. Іndet juqtyrǵan adamnyń janyna basqa jolaýshylardyń otyrǵysy kelmeıtini túsinikti. Sondyqtan bizdiń maqsat – ol mundaı jaǵdaılarǵa tosqaýyl qoıyp, áýe sapary kezinde jolaýshylardyń ınfektsııaǵa shaldyǵýyna jol bermeý. Jaǵdaıdyń turaqtanýyna qaraı, birtindep bul normany biz qaıta qaraýymyz múmkin. Bizdiń sharalar birinshi kezekte indettiń juǵýyn aldyn alýǵa baǵyttalǵan», - dedi Qazaqstannyń bas memlekettik sanıtarlyq dárigeri.
Budan buryn habarlanǵandaı, Nur-Sultan men Almaty qalasy arasynda ushaqpen ushatyn jolaýshylar qandaı sharttardy oryndaýy kerektigi aıtylǵan edi.
Áýe tasymaly, kóliktegi bas sanıtralyq dáriger bekitken kúsheıtilgen sanıtarlyq talaptar arqyly júzege asyrylady. Ushý úshin jolaýshyda COVID-19 belgisi joq ekenin rastaıtyn anyqtama bolýy kerek.