Ushaqqa keshigip, polıtseıge til tıgizgen jolaýshy 1 jylǵa sottaldy

ASTANA. KAZINFORM — Almatylyq azamat elorda áýejaıynda polıtseılerge qorqytý men balaǵat sózder aıtqany úshin sottaldy. 

Elorda áýejaıynda Almaty turǵyny ushaqqa keshigip kelip, agressıvti minez kórsetip, áýejaı aýmaǵynda qoǵamdyq tártipti qamtamasyz etip júrgen polıtsııa qyzmetkerleriniń zańdy talaptaryna baǵynýdan bas tartqan.

— Tergeý barysynda er adamnyń polıtseılerdiń talaptaryn elemeı, olarǵa balaǵat sózder aıtyp, densaýlyqqa zııan keltirýmen ashyq qorqytqany anyqtaldy. Onyń áreketi bılik ókilderine qarsy qylmys retinde baǵalandy.

Sot talqylaýy barysynda memlekettik aıyptaýshy kináni dáleldeıtin bultartpas aıǵaqtar usyndy. Іsti qaraý nátıjesinde sot er adamdy kináli dep tanyp, 1 jyl 1 aı merzimge bostandyǵyn shekteý túrindegi jaza taǵaıyndady, — delingen Bas kólik prokýratýrasy habarlamasynda.

Sot úkimi zańdy kúshine endi. 

Aıta ketelik ShQO-da memlekettiń 2 mlrd teńgeden astam qarjysyn jymqyrǵan 3 adam sottaldy.