Ushaq jolaýshylary úshin koronavırýsqa tapsyratyn test baǵasy arzandatyldy
NUR-SULTAN. QazAqparat - Ushaqpen ushatyn jolaýshylarǵa koronavırýstyń bar-joǵyn anyqtaıtyn testtiń baǵasyna jeńildik jasalady, dep habarlaıdy QazAqparat tilshisi.
«1 mamyrdan bastap Qazaqstandaǵy iri qalalar arasynda ushaq usha bastady. Bas memlekettik sanıtarlyq dárigerdiń talaby boıynsha, jolaýshydar ushý aldynda mindetti túrde PTR test tapsyrýlary kerek. Bul ushý barysynda jolaýshylar men ekıpaj músheleri úshin aýrý juqtyrý qaýpin tómendetý úshin qajet», - deıdi «Olımp» klınıkalyq-dıagnostıkalyq zerthanalar jelisiniń marketıng jáne ınnovatsııalar jóninde dırektory Alekseı Balas.
Onyń aıtýynsha ushaqpen ushatyn jolaýshylar úshin jeńildik jasalady.
«Biz jolaýshylarǵa qadam jasap, áýe bıletterine dıskontty kartamen esepteletin jeńildik jasadyq. Sonymen búgingi tańda testtiń quny barlyq jeńildikti, bıomaterıaldy qosa alǵanda 14 346 teńgeni quraıdy. Al bala, múmkindigi shekteýli adam, zeınetker sııaqty áleýmettik jeńildigi bar jolaýshylar úshin taǵy 5% jeńildik qosylyp, test quny bıomaterıaldy qosa alǵanda 13 549 teńge bolady», - deıdi ol.
