Ushaq jolaýshylary koronavırýsqa test tapsyrmaıynsha Nur-Sultan qalasyna kire almaıdy
NUR-SULTAN. QazAqparat – Ushaq jolaýshylary COVID-19 koronavırýsyna test tapsyrmaıynda elordaǵa kire almaıdy. Bul týraly QazAqparat QR DSM Taýarlar men kórsetiletin qyzmetterdiń sapasy men qaýipsizdigin baqylaý komıteti Telegram kanalyna siltememen habarlaıdy.
«COVID-19 testin tapsyrmaıynsha ushaq jolaýshylary Nur-Sultan qalasyna kire almaıdy. Ondaı adam reısten túsken soń birden medıtsınalyq statsıonar qoıylǵan qonaqúıge jetkiziledi. Dıagnozy taza adam ǵana qalaǵa kire alady jáne onda úı karantıninde bolady. Analız taldaýy bir kún ishinde anyqtalady» delingen habarlamada.
