Ushaq soǵylǵan úıdiń ishinde eshkim bolǵan joq - Almaty qalalyq TJD basshysy
Erlan Álibekovtyń aıtýynsha, apat bolǵan jerde Almaty jáne Almaty oblysynyń TJD, PD, Ulttyq gvardııa, jedel qutqarý toby, apattar medıtsına ortalyǵynyń qyzmetkerleri jumyldyryldy. Barlyǵy 776 adam men 119 tehnıka jumys istedi. Sondaı-aq, Almaty qalasynyń 35 jedel járdem kóligi tartyldy.
Oqıǵa ornyna jedel qutqarý jumystary uıymdastyryldy.
«Ushaqtaǵy 88 adamǵa kómek kórsetildi. Olardy ushaqtan shyǵardyq. Qazirgi ýaqytta aýrýhanada 42 adam jatyr, onyń 8 bala. Taǵyda aıta ketetin jáıt, eshqandaı jarylys bolǵan joq. Eger ushaq jarylǵan bolsa, onda adamdardy aman alyp qalý múmkin bolmas edi. Bul jańadan salynyp jatqan úı bolatyn. Abyroı bolǵanda onyń ishinde eshkim bolǵan joq»,- dedi Almaty qalalyq TJD basshysynyń orynbasary Erlan Álibekov.
Aıta keteıik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy. Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa ushyp shyqty. Osy apatqa qatysty shuǵyl jeli iske qosylǵan.
QR Prezıdenti Qasym-Jomart Toqaev ushaq apatyna kináliler zańǵa sáıkes qatań jazalanatynyn málimdedi. Elbasy Nur-Sultan Nazarbaev jolaýshylar ushaǵynyń apatqa ushyraýyna baılanysty kóńil aıtty.
