Ushaq qustarǵa soǵylǵan: FlyArystan Semeı-Almaty reısi nege keshikkenin túsindirdi

ASTANA. QazAqparat - FlyArystan kompanııasy 9 maýsym kúngi KS7152 Semeı - Almaty ushaǵy qustarǵa soǵylýyna baılanysty keshikkenin málimdedi, dep habarlaıdy QazAqparat.

Reıs Semeı qalasynyń jergilikti ýaqyty boıynsha 9 maýsym saǵat 22:30-ǵa ushady dep josparlanyp otyr.

Ushý ýaqyty týraly ózekti aqparat jolaýshylarǵa brondaý kezinde kórsetilgen nómirlerge jiberiledi.

Sondaı-aq, jolaýshylar FlyArystan qosymshasynda jáne flyarystan.com saıtynda reıstiń statýsyn óz betinshe teksere alady.

«Reısterdiń keshigýiniń jáne keıinge qalýynyń aldyn alý úshin qolymyzdan kelgenniń bárin jasap jatyrmyz. Biraq keı jaǵdaılar bizdiń baqylaýymyzdan tys ekenine eske salamyz» dep habarlady kompanııanyń baspasóz qyzmeti.