Ushaq qona sala ornynan turatyn jolaýshylar jazalanýy múmkin be – mınıstrlik jaýaby

ASTANA. KAZINFORM — Keıbir jolaýshylar ushaq áýejaıǵa qonar-qonbastan ornynan turyp, shyǵýǵa daıyndala bastaıdy. Mamandardyń aıtýynsha, bul áýe qatynasy talaptaryna qaıshy. Osy turǵyda atalǵan máselege qatysty istiń mán-jaıyn Kólik mınıstrliginen suraǵan edik.

— Áýe kemesi bortynda jolaýshylardyń júris-turysy qaǵıdalaryna qosymsha aıyppul sanktsııalaryn engizý josparda joq. Azamattyq avıatsııa salasyndaǵy halyqaralyq erejelerge sáıkes áýe kemesi ushaıyn dep jatqan kezde nemese jerge qonyp, tolyq toqtaǵansha bortta turýǵa jáne júrýge tyıym salynady, — delingen bizdiń agenttik berilgen jaýapta.

Sondaı-aq Kólik mınıstrligi jolaýshy áýe kemesi komandıriniń nemese ekıpaj músheleriniń ókimderin oryndamaǵan jaǵdaıda jaýapkershilikke tartylady.

Aıta ketsek, bıyl naýryzda elimizde shóp basqan jerge qona alatyn, ystyq-sýyqqa tózimdi ushaq paıdalanýǵa berildi.