Ushaq ekıpajynyń talaptaryna baǵynbaǵan mas azamat aıyppul arqalady

ASTANA. QazAqparat - Astanada mas er adam balaǵat sózder aıtyp, ushaq ekıpajynyń talaptaryna baǵynbaǵany úshin aıppul arqalady, dep habarlaıdy QazAqparat Polisia.kz-ke silteme jasap.

Astana qalasy áýejaıyndaǵy jelilik polıtsııa bólimine SCAT áýekompanııasynyń ókilinen «Phýket – Shymkent – Astana» baǵytyndaǵy áýe reısiniń destrýktıvti jolaýshysyna qatysty shara qabyldaý týraly habarlama kelip tústi. Tekserý barysynda kólik polıtseıleri 47 jastaǵy astanalyq turǵyndy anyqtady. Ol masań kúıinde bolyp, ekıpaj qyzmetkerlerin balaǵattaǵan jáne ushaq bortyndaǵy qaýipsizdik erejelerine baǵynbaǵan.

Quqyq buzýshyǵa qatysty QR ÁQBtK-niń 440-baby 1-bóligi, 434-baby 1-bóligi jáne 566-baby 1-bóligi boıynsha birden úsh ákimshilik hattama toltyrylyp, 8 aılyq eseptik kórsetkish mólsherinde aıyppul salyndy. Usaq buzaqylyq boıynsha materıal sheshim qabyldaý úshin Astana qalasynyń mamandandyrylǵan aýdanaralyq ákimshilik sotyna joldandy.

Esterińizge sala keteıik, jyl basynan beri elimizdiń kólik polıtseıleri ártúrli ákimshilik quqyq buzýshylyqtar jasaǵany úshin áýereısterden 284 tulǵany túsirdi, olardyń ishinde alkogoldi ishimdikterdi ishkeni nemese qoǵamdyq oryndarǵa masań kúıinde kelgeni úshin – 131, usaq buzaqylyq úshin – 21, áýe kemesindegi minez-qulyq qaǵıdalaryn buzǵany úshin 27 azamat áýereısterden túsirildi.