Ushaq bortynda jolaýshylar tóbelesip qaldy
ASTANA. QazAqparat - Sıdneıden Phýketke bet alǵan avstralııalyq loýkoster «Jetstar Airways» bortyndaǵy jolaýshylardyń tóbelesi kesirinen májbúrli túrde Indonezııaǵa qondy, dep habarlaıdy Bı-Bı-Sı.
«Birge ushqan alty adam ózara kelispeı, dóreki qylyq tanytty», delingen áýe kompanııa habarlamasynda.
Áýe kemesiniń kapıtany josparlanbaǵan Balı áýejaıyna qonýǵa sheshim qabyldap, aıqaıshylardy jergilikti polıtsııa qolyna tapsyrǵan.
Avstralııalyq BAQ oqıǵanyń mán-jaıyn anyqtap jatyr.
«Sydney Morning erald» saıty reıs jolaýshysynyń sózin keltire otyryp, bortta tóbeles bolǵanyn, konıak shólmeginiń synǵanyn jazdy.
«Feısbýk» qoldanýshysy Megan Ýılson birneshe dostarynyń sol reıspen ushqanyn, joıqyn tóbeles bolyp, áıelder men balalardyń jylaǵanyn, jan-jaqqa qan shashyraǵanyn jazdy.
Denpasar áýejaıynda eki saǵat bolǵan ushaq ary qaraı Phýketke jóneldi.
