Ushaq bortynda shylym shekkenderge 126 myń teńge aıyppul salynady
NUR-SULTAN. QazAqparat – 2019 jyldyń mamyr aıynan bastap ushaq bortynda shylym shekken 26 jolaýshyǵa aıyppul salynǵan. Qazir ýaqytty aıyppul kólemi 126,2 myń teńge, dep habarlaıdy QazAqparat
2019 jyldyń sáýir aıynda QR Ákimshilik quqyq buzýshyl týraly kodekstiń «Temeki ónimderi men elektrondy temekini jeke qoǵam oryndarda tutynýǵa tyıymdy buzý» 441 babyna ózgerister men tolyqtyrýlar engizildi. Túzetýlerge sáıkes Qazaqstanda ushaq bortynda shylym shekkeni úshin aıyppul mólsheri 50 AEK-ti qurady, bul 126 250 teńge. 2015 jyly atalmyshsh aıppyul 3 AEK (5 946 teńge) ǵana bolǵan. Jańa erejeler boıynsha 2019 jylǵy mamyr aıynan bastap 26 jolaýshyǵa shylym shekkeni úshin aıyppul salynǵan.
«2018 jyly 2015 jylmen salystyrǵanda «Eır Astana» bortynda temeki shekken jolaýshylardyń sany 34% ósip ketken, bul 123 oqıǵadan 166-qa deıin. Eń jıi mundaı buzýshylyq Almaty men Ystanbul, Almaty men Máskeý jáne Almaty men Kıev arasyndaǵy reısterde oryn alady», dep habarlaıdy kompanııa.
«Eır Astana» áýekompanııasy ushaq ishinde qaýipsizdik erejelerin saqtaý kerektigi jóninde jolaýshylardy eskertedi.
«Ushý qaýipsizdigi kompanııanyń eń basty qundylyǵy bolyp esepteledi. Ushaq bortynda erejelerdi buzǵany úshin barǵan eldiń zańyna sáıkes shara qoldanýǵa jolaýshylar quqyq qorǵaý organdaryna tapsyrylady», delingen habarlamada.
Aıta keterligi, basqa elderde osyǵan qatysty zańy birshama qatal. Ol áýe kemesiniń bortynda shylym shegý qoǵamdyq jerde shylym shegýmen teńelestirilmeıdi, zań buzýshylyq qataryna jatqyzylady. Mysaly, Ulybrıtanııada ushaq bortynda shylym shekkenderge 2 500 fýnt (1,1 mln teńge) aıyppul qarastyrylsa, Japonııada aıyppul 500 myń ıen (1,8 mln teńge).
