Ushaq bortynda qyp-qyzyl tóbeles boldy
ASTANA. QazAqparat - All Nippon Airways (ANA) avıakompanııasy «Tokıo - Los-Andjeles» reısiniń jolaýshylary ushaq bortynda bir-birimen tóbelesti, dep habarlady CNN saıty.
Ushyrylym aldynda ersi qylyq kórsetken qyzyl jeıdeli er adam artta otyrǵan azamatty jón-josyqsyz perip jiberedi. Bul oqıǵany Korı Aýer esimdi jolaýshy óz telefonyna túsirip alǵan.
Aýer tynysh qana otyrǵan er adam onyń janjal shyǵarýyna esh túrtki bolmaǵanyn aıtty.
Avıakompanııa qyzmetkerleri olardy aıyrý úshin qajetti jaǵdaıdyń bárin jasady. Aqyr sońynda buzaqy jolaýshyny sabasyna túsirip, ushaqtan shyǵaryp jiberýge týra keldi.
