Ushaq bortynda temeki shekken 204 adam jaýapqa tartyldy
TÚRKІSTAN. KAZINFORM - Ótken jyly ár túrli ákimshilik quqyq buzýshylyqtar jasaǵan úshin 549 jolaýshy áýe reısterinen túsirildi.
Kólik polıtseıleri bir jyl ishinde túrli ákimshilik quqyq buzýshylyqtar jasaǵany úshin 549 quqyq buzýshyny áýe reısterinen túsirip alǵan. Onyń ishinde alkogoldik ishimdikterdi ishken jáne qoǵamdyq oryndarǵa mas kúıinde kelgen 276, ushaq bortynda temeki shekken 204, usaq buzaqylyq jasaǵan 35, áýe kemesinde minez-qulyq erejelerin buzǵany 29 jolaýshy bar.
Máselen, Almaty qalasy áýejaıyndaǵy jelilik polıtsııa bóliminiń qyzmetkerleri «Fýkýok-Almaty» baǵytyndaǵy reısinen ushaq komandıriniń aktisi boıynsha destrýktıvti jolaýshyny túsirip aldy.
Tekserý barysynda polıtseıler Almaty qalasynyń 42 jastaǵy turǵynyn anyqtady. Ol ushý kezinde masań kúıinde bolyp ózin dóreki ustaǵan, ekıpajdyń talaptaryn oryndamaı, balaǵat sózder aıtyp, temeki shekken bolyp shyqty.
Quqyq buzýshyǵa qatysty qoǵamdyq oryndarǵa masań kúıinde kelgeni, áýe kemesiniń bortynda temeki buıymdaryn tutynǵany, usaq buzaqylyq jasaǵany, áýe kemesindegi minez-qulyq qaǵıdalaryn buzǵany úshin ákimshilik hattamalar toltyrylyp, materıal sotqa joldandy. Al, sot sheshimimen quqyq buzýshyǵa 5 táýlikke qamaýǵa alý túrinde ákimshilik jaza qoldanyldy.
- Esterińizge sala keteıik, ushaqta ózin dóreki ustap, erejelerge baǵynbaý jolaýshylar men ekıpajdyń qaýipsizdigine qater tóndiredi. Sondyqtan ekıpajdyń aıtqan nusqaýlyqtaryn oryndap, ushaq bortyndaǵy qaýipsizdik erejelerin qatań saqtaý qajet, - delingen Kóliktegi polıtsııa departamentiniń baspasóz qyzmeti usynǵan aqparatta.
Aıta keteıik, bqdan buryn Almaty oblysynda balyqshylarǵa aıyppul salynǵanyn jazǵan bolatynbyz.