Ushaq bortynda bolǵan barlyq qazaqstandyq mert boldy – Kólik mınıstri

ASTANA. KAZINFORM – Kólik mınıstrliginiń málimeti boıynsha, ushaq bortynda bolǵan 67 adamnyń 38-i qaıtys boldy. 

— Áýe bortynda 67 adam boldy, onyń ishinde 62 jolaýshy, 5 adam ekıpaj múshesi bar. Ókinishke qaraı, 38 adam qaza tapty jáne 29 adam aman qaldy, — dedi elimizdiń Kólik mınıstri Marat Qarabaev Aqtaýda ótken baspasóz máslıhatynda. 

Aıta keteıik, ushaqtaǵy jolaýshylar arasynda 37 ázerbaıjan azamaty boldy, olardyń 23- i qaıtys boldy jáne 14-i aman qaldy. Qyrǵyzstannan úsh jolaýshy boldy, olardyń barlyǵy aman qaldy. Sonymen qatar 16 Reseı azamaty boldy, olardyń 7-i qaıtys boldy, 9 adam aman qaldy. Ushaqta bizdiń 6 otandasymyz boldy, ókinishke qaraı barlyǵy mert boldy. 

Ushaqtyń ekıpajy 5 adam boldy, onyń ishinde 2 adam qaza tapty, 3 adam aman qaldy.

Eske sala keteıik, Qanat Bozymbaev Aqtaý mańyndaǵy ushaq apatynan zardap shekkenderdiń jaǵdaıymen tanysty.