Ushaq apatynyń sebebin HAK komıssııasy anyqtaıdy
Roman Sklıar ushaq apatynyń yqtımal sebepterin atady. «Ushaq apatynyń sebepteriniń aldyn ala nusqalaryn aıtar bolsam, ushaq ushý kezinde eki ret quıryq tusymen ushý jolaǵyna soqtyqqan. Bul ushqyshtyń qateliginen bolýy múmkin. Tehnıkalyq sebepterdi Halyqaralyq avıatsııa komıssııasy anyqtaıtyn bolady. 2019 jyldan bergi osy ushaqtyń qatysymen bolǵan oqıǵalardyń barlyǵy taldaýdan ótkiziledi. Qara jáshik te tek HAK mamandarynyń qatysýymen oqylatyn bolady», - dedi Roman Sklıar.
Onyń aıtýynsha, ushaq apatynan zardap shekkender men qaza bolǵandardyń otbasylaryna kómek kórsetiledi.
«Ótemaqy máselesine kelsek, Úkimet ótemaqy berý tártibin bekitken soń barlyq jolaýshylarǵa kómek beriledi. Bireýi de nazardan tys qalmaıdy», - dedi ol.
«Apatqa ushyraǵan Bek Air ushaǵy boıynsha myńǵa tarta qutqarýshy men 72 tehnıka jumyldyryldy. 33 jedel járdem brıgadasy kómek kórsetti. Anyqtalǵan aqparatqa sáıkes, ushaqta 93 jolaýshy men 5 ekıpaj múshesi bolǵan. Jolaýshylardyń ishinde ekeýi Ýkraına azamaty, bireýi Qyrǵyzstan azamaty bolsa, taǵy bireýi QHR azamaty, qalǵany Qazaqstan azamattary. Oqıǵa saldarynan 12 adam kóz jumdy. Olardyń segizi oqıǵa ornynda, al qalǵan ekeýi aýrýhanada, taǵy ekeýi Almaty áýejaıynda qaıtys boldy. Almatynyń ártúrli aýrýhanalary men emhanalaryna 49 adam jetkizildi. Olardyń 18-i aýyr jaǵdaıda jatyr», - dedi dedi Roman Sklıar Almatyda shuǵyl ótken baspasóz máslıhatynda.
Foto: www.emer.gov.kz
